zwoastoazwoastoa

zwoa zu fümft

zwoastoa

oa stoa is koa stoa bei ZWOASTOA geht`s erst los
zu zwoat is olles scheena da spass is doppelt gross

zwoa reifen braucht a radl zwoa scheene augn a madl
und die tanzt dann mit zwoa schuah und mia spuin d‘ musik dazua
ummtaummtaummtaummta ZWOASTOA …

oa stoa is koa stoa bei ZWOASTOA geht`s erst los
zu zwoat is olles scheena da spass is doppelt gross

zwoa füass die brauchst zum wandern von oanem ort zum andern
mit zwoa ohrn konnst` erst richtig hean zu zwoat konnst` aa vui lauder plean
yeeeeeaaaaaahhhhh!!!

oa stoa is koa stoa bei ZWOASTOA geht`s erst los
zu zwoat is olles scheena da spass is doppelt gross

ja und sogar es streiten haut mit mir alloa ned hin
obwohl i mit mia säiber ned oiwei oana meinung bin bin i ned bin i ned
weilinedamoimitmirsäibaoiweioanameinungbin …

und bricht amoi da himme zsamm s’ging wieder ois in`d hosn
und du woast ned wia`s weidageht schnauf tiaf durch und schneiz da d’nosn
s’gibt oiwei wen dem`s aa so geht glab ma du bist nie alloa
ziag einfach los und mach di di auf wiast segn die wäid is kloa

oa stoa is koa stoa bei ZWOASTOA geht`s erst los
zu zwoat is olles scheena da spass is doppelt gross

zua sonna g’head da schatten zum dog g’head aa die nacht
zum blitz do g’head da donner nach jedem winter wird`s wieder sommer

oa stoa is koa stoa bei ZWOASTOA geht`s erst los
zu zwoatan kriagt ma`s besser hin mitnander macht`s richtig sinn

zu zwoat do konns`d vui scheena singa
zu dritt konns`d aa an dreiklang bringa
zu viert spui ma quartett
und zu fümft san dann ZWOASTOA komplett

oa stoa is koa stoa bei ZWOASTOA geht`s erst los
zusammen kriagt ma`s besser hin mitnander macht`s erst wirklich richtig sinn

© Ludwig Wiedenmann

Share it:                          

Skip to top 

Copyright © 2006 - 2021 zwoastoa