zwoastoazwoastoa

Scheiss da nix!

Da Scheich

der lebt in am palast
mit am palmenhain am meer
do is jeder gern zu gast
da scheich der is steinreich
ja da scheich der hod a gäid
des braucht er aa weil seine leit die hom eahm gar ned gwählt
da scheich der hod an stil
ja da scheich der hod an gschmack
da scheich der hod an wunderscheenen riesengrossen park
da scheich giesst seine lilien
es volk des hod an durscht
es zoid nur seine spleenien
ansonsten war´s eahm wurscht

gehts am volk amoi ned guad ja dann lasst eahm des ned koid
da huift a neue steuer
und zur not a weng a gwoid
da gibts a polizei
und an panzerbatallion
er hätt no gern an düsenjet
für´d nächste rebellion
und wo fliagt da minister
in seim nächsten urlaub hi
sei spezl von der waffenschmiede hättat a idee
er kennt a nettes scheichtum
hättad da an guadn deal
ein urlaub und a bakschisch
fürn minister sei ok

nach sulmania sulmania
sulmania gehts hi
sulmania sulmania sulmania is schee

der urlaub der war schee doch leider gibts do a problem
der deal is a weng heikel
mit am solchenen regime
des kriang ma ned genehmigt da müaß ma scho wos drahn
da muaß er nachher no
zum schifahrn
in die schweiz in urlaub fahrn
da spezl von da waffenlobby
is zur selben zeit
zufällig am wochenende
schifahrn in da schweiz
do trifft ma sich am obmds
in da suite vom lokal
gschäftsleit mit am aktenkoffer
is doch ganz normal

da scheich mit seine lilien
wui aa moi wos anders seng
überhaups is er heuer
ned amoi im urlaub gwen
da scheich fliagt in die schweiz
ja schifahrn kon er aa
obmds trifft er seine kumpels selbstverständlich „rein privat“
so a schiurlaub is lustig
so a schiurlaub is schee
diskrete atmosphäre
und zudem recht lukrativ
die koffer tauscht
wo a wille is is aa a weg
und wo fliagt dann am waffenfreund sei düsenjäger hi?
nach sulmania sulmania …

© Ludwig Wiedenmann

Share it:                          

Skip to top 

Copyright © 2006 - 2021 zwoastoa