vor mir hinter mir über unter neba mir
is oiwei oana do obwohl i´n gar ned frog
gibt er mir an guadn rat wos er an meiner stelle macha dad
ja hosd´n du des gfui daß i wia du sei wui
ja DUMIA

wenn ma sparen wia de priester kriagn ma ´n zuschuss vom minister

radiowecker börsenticker martert er sei hirn
muaß pariern wei´s wieder moi de dividenden eifriern
er verfolgt mit schwoaß auf da stirn wo die devisen himarschiern
er wolltad investiern jetz duad er nur transpiriern
ja DUMIA

wenn ma heier ned in´urlaub fahr´n na kannt ma no vui meara sparn HURRAAA
DUMIADUMIADUMIAIÄHIA … DUMIA

banken und versicherungen bis in olle niederungen
wos war dro verkehrt wenn ois versichert wead
sei berater hod eahm grodn zu am vertrag auf lebenszeit
do war sogar sei tod geregelt und wer dafür zoid
ja DUMIA

ja sapperalott ja do schau her na fäids da ja an gar nix mehr juchuuu
DUMIADUMIADUMIAIÄHIA …
jaDUMIA

daß mir des olles wurscht is des kon er ned versteh
ma kon doch ned mit gschlossene augn durch es lebm geh
doch glabs´d i bin ned blind und a weng kapier i aa
nur daß i´s lebm ned so verbissen seh drum sog i DUMIA
ja DUMIA

DUMIADUMIADUMIAIÄHIA …
jaDUMIA

stell da vor mia gangadn dann olle no zum heer
und olle dene ´s scheißegal is warn beim militär
mia standn olle an da front umanand in oller ruah
und plead da general an schiessbefehl dann sogn eahm olle nur
ja DUMIA

DUMIADUMIADUMIAIÄHIA …
jaDUMIA

mia solltn wenn ma wolltn einfach macha wos ma wolln
mia wolltn wenn ma kanntn einfach macha wos ma wolln
mia kanntn wenn ma wolltn einfach macha wos ma wolln
mia solltn wenn ma kanntn einfach macha wos ma wolln
jaDUMIA …

_{© Ludwig Wiedenmann}