schaugn ma amoi wo da wind herkimmt
schau ma amoi wia ra weht
schaugn ma moi na segn ma scho
wos a uns diesmoi ummetreibt

moi weht er uns an dracha hoch moi weht er uns schwar um d ohrn
moi blost er an luftballon davo und a kind pleat weil es hod nur den oan
und er weht uns regenwoikn daher aber er blost`s aa wieder weg
und er trocknet unsere tränen nur beim lacha stört er ned

schau ma amoi wo da wind herkimmt …

er bewegt si frei grod wia s eahm passt eahm zum zwinga wo er hi soi
des hom ma bis jetz gottseidank ned gschafft weil eahm unsere vorschriften ned gfoin
frech fliagt er über unsere grenzen weg und an pass hod er ned dabei
luftschmuggel nennt ma des unverzollt schleicht er si umme in die walachei

schau ma amoi wo da wind herkimmt …

er kon uns peitschend weidatreibm moi weht er uns stramm entgegen
so manch oana segelt hart am wind so mancher is scho zerschellt
und er weht es laub in nachbars garten der`s fluachend wieder zsammarecht
doch am liabsten mog er d‘ fahndeln die drahn sie oiwei so wiara’s grod mecht

schau ma amoi wo da wind herkimmt …

_{© Ludwig Wiedenmann}