zwoastoazwoastoa

da dokta

… angesichts der tatsache daß immer mehr politiker aller parteien
in zeiten allgemeiner finanzknappheit sozusagen relativierend in
einer zusammensetzung sich auseinandersetzen um einen zusammenhang
herzustellen der wenn nicht wirklich vorhanden so doch zumindest
nach aussen hin demonstriert werden soll um nicht in verdacht zu geraten
eine an sich unkalkulierbare aber doch greifbar durch basisorientierte
zusammenarbeit zwischen den einzelnen organen einen gewissen
toleranzspiegel der gesellschaft welche durch …

ouh – wos sogst jetz do so so do muaß da fachmann her
frogn ma n‘ doktor owiewohl der kennt die lösung sowieso

wos sogt da dokta sogt er wos sogst jetz du dazua
wos sogt da dokta sogt er wos sogst jetz du dazua
wos sogt da dokta sogt er wos sogst jetz du dazua
wos kannt ma denn do macha do muaß schneii wos passiern
wos sogt da dokta sogt er wos sogst jetz du dazua
wos kannt ma denn do macha nacha – am besten amputiern

mein linker eckzahn spuckt seine plombe aus und ruft
lasst uns einfach nur pur sein
ohne zu merken daß er einfach nur hohl war
kreizdeifi sogt mei weibi freili
na geh nur glei zum dokta eini
der wead da nacha scho heifa sogt`s
hea auf zum plean des wead scho wean

i said doctor – he said what
i said doctor – he said what
i said doctor – he said what
i said doctor – he said what you want

ziagn ma n‘ fachmann zu rat dazua
a jeda wui dei bestes nur
da oane so da ander so
a jeda gibt sein senf dazua

wos sogt da dokta …

vorgestern sprang oana vom fernsehturm gestern is da FC meister woan
heit is da dog danoch und moagn da dog davor scho wieder vergessen
die zeit verrinnt die turmuhr spinnt
der zeiger nur im kreis rumrennt
na is` eahm z‘ kurz und schwindlig woan
na hod er aufghead die zeit zum zoagn
auf dauer is ois von kurzer dauer
selbst a dauerlutscher ob süß ob sauer
die zeit lafft ob tropft grod auf mi
mei hemd versaut ja sakradi
aus zeitvertreib die zeit vertreibm
die zeit vergeht die zeit verkummt
da ander wollt die zeit totschlogn
jetz liegt`s auf da intensivstation

wos sogt da dokta …

© Ludwig Wiedenmann

Share it:                          

Skip to top 

Copyright © 2006 - 2021 zwoastoa