zwoastoazwoastoa

a jeda is a sepp

weidaleid


auf geht´s geht´s zua
s´geht weida leit
s´geht leider weida leit
auf geht´s geht´s zua
s´geht auf geht´s zua
geht´s weida leit
s´geht wieder weider heit

wo´s da gestern no so guat ging mogs´d heit scho nimmen sei
wos´d heit moanst jetz wars´d richtig
geht´s da moag´n vielleicht noß nei

de die gestern no so mächtig war´n san heit scho schwach und kloa
und de die gestern
d´rüber g´jammert hom
san heit a ned anders woan

früher war ois anders
wia heit z´dog des is g´wiss
doch so wia´s is
kon´s a ned bleim
sonst war boid nix mehr do
wos früher amoi eckig war
is heit scho kugelrund
wos gestern grau und farblos war is heit krachad bunt

der der gestern no so g´scheid war der woaß heit nimmer wohin
do wo gestern no die grenze war is heit scho mittendrin
wo heit no schee warm d´sonna strahlt is´ boid grau noß und koid
gestern hos´d no weitblick g´habt heit glabs´d du stehst im woid

auf geht´s geht´s zua
s´geht weida leit
s´geht leider weida leit
auf geht´s geht´s zua
s´geht auf geht´s zua
geht´s weida leit
s´geht wieder weider heit

gestern woids´d scho aufgeb´m heit hos´d wieder neien mut
wo heit a feier lodert
is moag´n scho nur no glut

d´rum geht´s weida leit
und bleibt´s ned steh
die welt head a ned
einfach auf sich zum dreh´n

drum auf geht´s geht´s zua
s´geht weida leit
s´geht leider weida leit
auf geht´s geht´s zua
s´geht auf geht´s zua
geht´s weida leit
s´geht wieder weider heit

© Ludwig Wiedenmann

Share it:                          

Skip to top 

Copyright © 2006 - 2021 zwoastoa