zwoastoazwoastoa

zwoa zu fümft

sowosamma

i hob ma dacht i bleib heier moi im urlaub dahoam
statt oiwei fuat-zumfahr`n is ois so g’feahlich woan
do liest ma dauernd von terror von sars und aids
und an osama g’freid`s wann`s uns an urlaub vergäit

osama – sowosamma
osama – verdirbst unser`n sommer (-urlaub)

doch heier schlog i eahm a schnippchen weil mir is des wurscht
weil aa bayern is schee do gibt`s a bier für an durscht
und wälder und berge und flüsse und seen
olles glei vor da düa do kimmt ma hi ganz bequem

osama – sowosamma
osama – verdirbst ma ned mein sommer

nimm i hoid wieder mei zäit mei radl und mein hund
radelt ausse über´s land über wiesen wälder und
wos sig i do am scheena voralpensee
a groß` schuidl willkommen im nah-erholungsgebiet
i quetsch mi durch zwischen hundert leit
um zum lesen wos sonst no auf dem schuidl steht
instruktionen stehn droben für die badezonen
wos ma ois ned deaf a ellenlanger text
ma deaf ned zäitln ned lagern ja koa feia macha
auf die wege bleim und ja ned z’laut lacha
die kinder bleim in extra gekennzeichneten zonen
es radl wird g’schobn auch ballspiele sind verboten
das benutzen von tonwiedergabegeräten aller art
auch musizieren untersagt und grillen scho glei gar
überhaupts ois wos stört ruhe und erholung gefährdet
sei zu unterlassen jeder verstoß is zu melden
und hunde san generell komplett verboten
letzter punkt den verboten sei achtung geboten

osama – sowosamma

nach meim ersten zorn bin i jetz neigierig woan
geh do nei hund dabei oh mei wia i mi gfrei
do hockan tausend leit auf engstem raum aufgereiht
pleat oana naus he du mit deim hund schleichst di glei
ko mi kaum hoitn vor lacha kimm do aussekrocha
aus der woikn aus schweiss und sonnenmilch befreit

osama – sowosamma

oiso guat s’gibt no mehr oiso fahr i in die berg
mit`m zug im nu kimm i in füssen o
do gibt`s a schloß ganz berühmt des muaß scho wos b’sonders sei
des muaß ma aa moi segn geh i hoid aa amoi do nei
da anschlussbus steht scho bereit gegenüber
mit touristen g’stapelt voll übereinandernüber
d’japaner unten d’amis liegn obm querauf
mir wird`s endgültig z’bunt urlaub z’haus gib i jetz auf

osama – sowosamma

© Ludwig Wiedenmann

Share it:                          

Skip to top 

Copyright © 2006 - 2021 zwoastoa