zwoastoazwoastoa

zwoa zu fümft

leidkultur

samma moi ehrlich de guadn zeiten san längst vorbei rezession und depression überrollen unser land
a chaotenregierung fahrt an karren in den sand
arbeitslosigkeit sozialabbau und dosenpfand

wenn des so weidageht foid mei urlaub auf hawaii flach
aus angst vor der rezession dann doch bloß wieder mallorca
ois zweitauto muaß dann wieder a kleinwagen glanga
und mei frau is doch oiwei so gern zum shoppen ganga

boid is es so weit na zähl ma unser geld
und stelln fest daß unterm strich nix mehr übrigbleibt
all die kosten fürs haus für KFZ und so
und dann die rechnung von da frau ihrem mobiltelefon

und erst die kinder von unserm hungerlohn
reichts grod no fürn VW für an ältesten sohn
boid müaß ma hungern trotz produktionsüberschuss
mit kaviar und lachs is jetzerstmoi schluss

JAMMER JAMMER WEH i muaß boid nach monaco geh
mit am häusl dort und hier zumindest am papier
JAMMER JAMMER WEH mir duat mei armes kreuz so weh
um mich vorm steuerruin zu bewahren
muaß i mei geld säiber do umme trogn

schau di moi um die ganzen firmen die pleite gehn
und ihre leit entlassen die dann auf der stassn stehn
nur fürs management reicht grod no es budget
und d leit liegn uns auf der kassen s is boid scho nimmer schee

wo is der held der die regierung stoppt die uns verprellt
mei auto braucht koan woid zum fahrn aber a geld
für benzin und neie reifen zum weiderrasen
weils hoid moi zwoahundertfuffzge fahrt
auf der autobahn

wos soll ma später moi unsere enkerln sogn
wenns uns beerben und nur an schuldenberg obtrogn
doch so weit lass ma s ned kemma mir kaffan no a firma
die ma pleite fahrn und ihr es geld obtrogn

es gibt no schicke ländereien die ma no kaffa kon
mir schnappan unser hab und gut und machan uns davon
die fabriken wean gschlossen d AKWs woin s stoppen
selbst d politiker hom längst eahna geld scho aussebrocht

JAMMER JAMMER WEHi muaß boid nach monaco geh
mit am häusl dort und hier zumindest am papier
JAMMER JAMMER WEH mir duat mei armes kreuz so weh
um mich vorm steuerruin zu bewahren muaß i mei geld säiber do umme trogn
oh je

und heit isses so weit es land is verlassen
es san olle ganga die no rang und namen hatten
es geld is in monaco die autos auf mallorca
die konzerne in asien
in die banken nur no ratten (statt mäuse)
es land is unterganga so is es dann passiert
koana is no do der no wos zum sogn hod

de sonna geht auf und lacht laut und breit
und jetz fiel s uns wia schuppen
ES LAND IS BEFREIT

ZACK BUMM ausgerechnet jetz a krach
a gwitterdonner macht mi wieder wach
i stutz kurz und blinzelt und find mi wieder zsamm
oh wia schod es war olles bloß a scheena traum

JAMMER JAMMER WEH …

© Ludwig Wiedenmann

Share it:                          

Skip to top 

Copyright © 2006 - 2021 zwoastoa