zwoastoazwoastoa

zwoa zu fümft

da globetrottel

er konn da buidl zoagn aus der ganzen wäid
er wollt hoid aa wos segn für sei hart berapptes gäid
das kulturgut der welt im urlaub erkunden
an turm zu pisa im taxi umrunden
mit am hoid des versteht si für a foto
brettelbroad is sei frau drauf d’turmspitzen luhrt no vor
es kollosseum in rom kollossal wia sei frau
und am strand hinter ihr sigt ma s’meer herrlich blau

er is scho so weit kemma scho so vui umanander g’fahrn
er is scho so weit kemma die ganze wäid auf seim programm
er is scho so weit kemma scho so vui umanander g’fahrn
er is scho so weit kemma die ganze wäid hod a auf`m programm

dann konma sei frau no auf`m nildampfer bewundern
aa die cheopspyramide ragt hinter ihr no vor
vor der freiheitsstatue vor`m eiffelturm
vor`m taj mahal und vor ner ausgrabungsgruam
nur in thailand war sie selbstverständlich ned dabei
dafür hod er do umsomeahra gäid verpräid
immer weida immer ferner immer spektakulärer
is er auf`n g’schmack kemma für die ganz die grosse wäid

er is scho so weit kemma …

er war in nepal drübm am himalaya obm
hundert kilo gepäck hom eahm die scherpa auffetrogn
die hom si plogt hom buckelt hom g’ackert und g’schwitzt
am foto sigt ma eahm wiara stoiz vorm berggipfe sitzt
er hod do obm zwar aa koan yeti g’segn
doch trotzdem hod er die scherpa a wegn a trinkgäid gebm
ja ja des g’head si so ma muass an anstand zoagn
ma vertritt ja aa die kultivierte wäid dahoam

er is scho so weit kemma …

und letz johr hod er bucht in afrika
a nationalparksafari in kenia
zwischen zebras löwen neger und giraffen zum gaffen
a grosswildjagt inklusive im programm
wollt er abenteuertour hautnah geniessen
a erlegtes zebra dean`s mit sekt begrüssen (eisgekühlt?)
zwanzg leit plus führer jäger küch und bad
a hightech-bus durch die savanne fahrt

er is scho so weit kemma scho so vui umanander g’fahrn
er is scho so weit kemma die ganze wäid hod er auf`m programm
er is scho so weit kemma scho so vui umanander g’fahrn
wer`s ned glabt der soi hoid dann kemma zum diaabend dann

© Ludwig Wiedenmann

Share it:                          

Skip to top 

Copyright © 2006 - 2021 zwoastoa