hod dei röhrle ladehemmung
und dei frau wird scho nervös
im neglige´ laffd´s auf und ob
ihre erregung is ominös
sie fühlt si so vernachlässigt
du woaßt der vorwurf geht an di
du ruadersd ackersd
drucksd und drahsd
und merksd nur
daß hoid nix mehr geht
na wird´s zeid wos zu unternemma
und du greifs´d zum telefon
rasche hilfe muaß jetz kemma
sonst lafft da no dei frau davo

wann da klempner zwoa moi klingelt na is´ höchste zeit
wann da klempner zwoa moi klingelt daß´d aus die federn steigst
wann da klempner zwoa moi klingelt wei dei frau die wart´ scho a so
wann da klempner zwoa moi klingelt bitte mach sie wieder froh

so a termin is heit schwar zum kriagn vor allem wenn´s a so dringend war
und dei rohr duat hoid ned kapiern daß die poor tropfan zu wenig san
ihre geduld hod boid a end
wann etz ned endlich wos passiert
ko sie für nix mehr garantiern
du merkst die lage eskaliert

wann da klempner zwoa moi klingelt na is´ höchste zeit
wann da klempner zwoa moi klingelt daß´d aus die federn steigs´d
wann da klempner zwoa moi klingelt weil´s dem oiwei so pressiert
wann da klempner zwoa moi klingelt

schau daß´d obi kimmst zua tür
dei frau die schimpft
du wars´d zu schlaff
a ander hätt´s scho repariert
wann´s amoi nimmer richtig lafft zoagt si verkalkung ganz ungeniert
sie is scho g´schdingert
und verschwitzt
und ihre wut dir im nacken sitzt
es geht den ganzen dog a so wann´s in da früah ned duschen ko

wann da klempner zwoa moi klingelt na is´ höchste zeit
wann da klempner zwoa moi klingelt daß´d aus die federn steigst
wann da klempner zwoa moi klingelt weil´s dem oiwei so pressiert
wann da klempner zwoa moi klingelt schau daß´d obi kimms´d zur tür
wann da klempner zwoa moi klingelt na bist vielleicht grod ned do
wann da klempner zwoa moi klingelt aber dei frau dann scho
wann da klempner zwoa moi klingelt weil´s ihr oiwei sooo pressiert
wann da klempner zwoa moi klingelt war sie grod auf´m klo
und er war wieder fuat

_{© Ludwig Wiedenmann}