zwoastoazwoastoa

Scheiss da nix!

Da Sammler

da oane sammelt Münzen da ander stapelt Büacha
da nächste sammelt Briafmarken so mancher no vui liaba
a Gäid auf da Bank guat verstaut im Panzerschrank
auch ich sammel leidenschaftlich und für mei Leben gern

i sammel scheene Dog i sammel scheene Stunden
wos i g´lebt hob hob i g´lebt
na na des nimmt ma koana mehr weg
weil des hob i erlebt

es gibt so vui Möglichkeiten tausend Gründe sich zum gfrein
a jede freie Zeit die zum verschwenden übrigbleibt
d´Sonna strahlt für di geh weida lach moi einfach zruck
und sei dankbar für a jede scheene unbeschwerte Stund
und laß die Sorgen von morgen dir ned scho heit an Dog vermiesen
wos später amoi auf di zuakimmt wia´sd scho seng wenn´s so weit is
vielleicht wirds ja ned so schlimm vielleicht aa scho doch wirklich gschead
is´ wenn´s dir dann die Zeit wo´s dir no guat geht scho verdirbt

drum sammel i scheene Dog i sammel scheene Stunden
wos i g´lebt hob hob i g´lebt na na des nimmt ma koana mehr weg
weil des hob i erlebt

wos gestern war is vorbei es Morgen is no weit
hier und jetz is jetz grod wichtig hier und jetz is jetz grod heit
jeder Augenblick is wichtig wann er schee is ghört er dir
hoid´n fest genieß die Zeit hier und jetz is Wirklichkeit
hoid ma zsamm gebts eich d´Hand tanz ma olle midanand
hupfts im Kreis lachts eich frei glücklich sei is koa Zauberei
da brauchts ned vui dazua nur a Gfui dafür wos wichtig is wos ned
des mog bei jedem wos anderes sei aber i i woaß für mi

i sammel scheene Dog i sammel scheene Stunden
wos i g´lebt hob hob i g´lebt na na des nimmt ma koana mehr weg weil des hob i erlebt

© Ludwig Wiedenmann

Share it:                          

Skip to top 

Copyright © 2006 - 2021 zwoastoa