zwoastoazwoastoa

zwoa zu fümft

light-kultur


es ganze lange wochaend do gfreit se sie scho
weil am montag in da fruah fahrt da oide in`s büro
sie macht es pausenbrot für`n bua der macht no sei abitur
und na is`endlich alloa widmet sich erstmoi der kultur
manche frauen wissen montags mehr ois andere frauen
sie g’head dazua weil`s erstmoi in ihr neuigkeiten-blattl luhrt
neie tipps tricks und trends wia d’frisur no besser glänzt
und welchen dünger ma für`d pflanzentöpf ergänzt

sie woaß bescheid sie is im BILD
sie woaß wos obgeht auf da wäid
sie is oiwei guad informiert
bei ihr wird täglich die altpapiertonne g’leert

na wird`s zeit weil die pflicht ruft d’frisur sitzt scho perfekt
na muaß` zum hausfrauentreffpunkt im supermarkt am eck
ois erstes wird am prinzen sei traumhochzeit besprochen
ob der oid wird mit der frau des sei no dahingestellt
weil mit ihrem letzten dem schlagerstar is` aa ned recht lang ganga
doch seitdem war sie auf jeden grossen gala-ball bestellt
die boxenluader jogn eanare knautschzonenrambos
und da kurschatten vom minister heit exklusiv enthüllt

sie woaß bescheid sie is im BILD
sie woaß wos obgeht auf da wäid
sie is oiwei guad informiert
bei ihr wird täglich die altpapiertonne g`leert

in unserm dichten netz aus informationen
unsere geliebten skandale und sensationen
deafan aa die tagesblattl und -zeitungen ned fäin
prinzessinen barone film- und fernsehschwätzer
beischlafmillionärinnen models und günther netzer
modedotschen glätzenbenes die ganzen adabeis
stelln für die kloana leit die arban ihre galakleider aus
so wia die profi-blondine herzdame von am fürst
in am kleid von gucci statt am baby an tamagotchi
d‘ verona kon leider nur jeden zwoaten ball besuchen
weil da bohlen genauso oft es rampenlicht aufsuacht
d‘ uschi glas hod an bild-zeitungs-schlagzeilen-vertrag
die muaß drei vier moi die woch auf da titelseiten steh
egal um wos es geht und ob wichtig oder ned
hauptsach der name wird hoid irgendwie erwähnt

sie woaß bescheid sie is im BILD
sie woaß wos obgeht auf da wäid
sie is oiwei guat informiert
bei ihr wird täglich die altpapiertonne g’leert

© Ludwig Wiedenmann

Share it:                          

Skip to top 

Copyright © 2006 - 2021 zwoastoa