zwoastoazwoastoa

Scheiss da nix!

A jeda is a Sepp

jeda is a sepp
ob bayer oder ned
a jeda hod an hunger
und am jeden hod a g´stunga

a jeda is a sepp
a jeda hod a g´frett
a jeda is für irgendoanen
irgendwie da depp
ja koanen mog a jeda
wei jeda hod a fähla
und wann oana koane
hod is g´rod a des sei fähla

ja da sepp do geh i jede wett
steckt in am jedem
egal wo oana steht
die do oben san die sepp´n
und mia kloana bleim die depp´n
ob so rum oder anders rum
mia hengan wia die kletten
ananander oder z´samma
ob im winter oder sommer
sam´ma olle z´amma samma
in am moadsdrum irrenhaus

ja wo samma denn dahoam
ob im baam oder oder im korn
in der wüste d´runt in afrika
oder auf´m matterhorn
die oana spuin verruckt
und die andern gengan ´duckt
da oane kriacht der ander
der geht oiwei glei in´d luft
da oane schaut in´ himme
da ander flaggt am boden
am oana juckt´s in´d finger
und am andern an de hoden

ja an sepp do geh i jede wett
gibt´s überoi überoi auf deara wöid
von der isar bis nach pisa
ob in china oder mainz
ob in traunstoa oder moskau
ob der hassan oder heinz
samma kumma samma g´schwumma
samma ganga und mitg´fanga
samma olle mitananda
in am moadsdrum irrenhaus

a jo a jeda is a sepp
a jeda kriagt sei fett
manchmoi kriagt ma ned die bohne und a ander moi an speck
ja do schaugs´t mit deine ohrn und do heast mit deiner nosn
he schau ma moi na seng ma scho
grod wia ra kuah beim grosn
die oana san zu bläd
und die andern san zu gscheid
jo wer heidz´dog no normal is
der muass ganz schee gschpinnat sei

jo a sepp do geh i jede wett
steckt in am jeden
der do umananda geht
deama laffa dea´ma raffa
deama unser hirn versauffa
deama rotzen deama motzen
und an maßkruag überziagn
samma gsessen
homma gfressen
homma gsuffa und vergessen
wann ma gschissen hom ind schüssel is bei jedem selbe drin

jo an sepp do geh i jede wett
den dad ma missen
wenn´s eahm a nimmer gäb
wenn ma unser´n sepp ned hädn und es gabert koane blädn
dad ma seppert aus der wäsch schaun hätt ma neamands zum derblecken
aber olle samma seppen

© Ludwig Wiedenmann

Share it:                          

Skip to top 

Copyright © 2006 - 2016 zwoastoa | Powered by Phuket Hosting