zwoastoazwoastoa

a jeda is a sepp

individuell

geh kumm geh weida
geh weida bleib do
ja sogs´d wos´d mogs´d
ja do schau di doch o
du di zeiten dean si ändern immer weida immer fuat
bis´d schaugs´d is´wieder weida und du stehs´d oiwei no duat
du mechs´d dabei sei im g´scheng und ned bläd danem steh´n
mechs´d ja landen bei de weiba deafa´s di ned überseng
ma muaß heit´z´dog
scho wos darstell´n
du muaß´d wissen wer du bist
a bisserl mut und fantasie
und du wirst individualist

jaaaaa lassd´s uns olle
gemeinsam anders sei …

a mord´s drum absatzturm
am schuabod´n
a piercing rund um´ kopf rum d´hoor bunt
freaks san´s olle
ob mit glatze oder tolle
jeder in seiner rolle
san´s olle bunte hund

laut und schrill
wan´s handy klingelt still
die finger dean scho zucken
vom SMS-message druck´n
mir san anders ois die andern
san spezieller ois speziell
reih dich ein komm mach schnell mir wean jetz individuell
lassd´s uns olle
gemeinsam anders sei …

über d´spießer schimpfa´s
für´d freiheit kempfa´s
im internet schwimma´s
in die große weite welt

per goa-trance-mission
dean´s mega-bites fischen
und cocktails z´sammamischen und zoin an haufa gäid

ja sie lechzen nach freiheit
nach fernseh´n und geilheit
nach freiem konsum
natürlich muß ma do wos tun
so muß ma d´schuibank druck´n wann da lehrer spricht duck´n
für´d karriere deans buckeln für´d freiheit und für´s gäid

dafür lassen se si dann
an neia nogl einidruck´n
wo´s im nächsten tekkno-schuppen wia de marionettenpupp´m
olle gleichg´schoid´n zuck´n zum immergleichen monotonen beat
vum mega DJ „speed“

lassd´s uns olle
gemeinsam anders sei …

ja sieh zu boid san olle andern anders außer du
du bist ois oanziger no gleich
sie san bunt und du bist bleich

doch kein grund jetzt zu verzweifeln dich mit asche zu beträufeln mach dich
frei hab den mut
geh zum beratungsinstitut
– das individuelle outfit
– individueller schnitt
– das individuelle styling
– zum individuellen schnitt

lassd´s uns olle
gemeinsam anders sei …
vom computerzentralgehirn gesteuert renna´s auf und ob
zwischen onanie und job
as auto muaß schnell sei
da freind muaß a held sei
s´ gummijacket cool
bloß koa jute „des is schwul“
ja sie san anders
wia olle andern übrigens a
d´hoor san oiwei no bunt
doch eana osch der wead scho wund

– das individuelle outfit
– individueller schnitt
– das individuelle styling
– zum individuellen typ

© Ludwig Wiedenmann

Share it:                          

Skip to top 

Copyright © 2006 - 2016 zwoastoa | Powered by Phuket Hosting