Acid Star

wilder reigen buntes treiben
glitt- und glitzer flackerlichter
exklusive lasershow
zum party-event let it flow
a jeder is a superstar
party-tiger an der bar
zum cocktail-glas a noserl koks
es tanzbein juckt es is famos
wos macht er
ER SITZT DA
und schwitzt ...

freunde hom eahm überred´t
kimm hoid moi mit in´d discothek
mach ma ´n grossen reibach mitanand
der megaschuppen is weit drausst am land
a stund mit´m auto durch´n woid
weasd segn do drin is´cool mir is jetz scho koid
stumm sitzt er rum weil eahm d´musik ned gfoid
dafür hod er an mordstrum eintritt zoid

exclusive exzessive
bussi-laune direktive
nur oana passt do gar ned her
der hockt do nur und gähnt dazua
und zwischenzeitig nickt er ei
a ordner kimmt soglei herbei
der weckt eahm auf und zarrt eahm naus

winter is´ a schneesturm braust

ER SITZT DA und friert
ER SITZT DA und wart
ER SITZT DA auf seine freind
ER SITZT DA im schnee
ER SITZT DA und wart
ER SITZT DA er wui nur hoam
ER SITZT DA und friert
ER SITZT DA im schnee
ER SITZT DA wead langsam müad
ER SITZT DA s´is nacht
ER SITZT DA er schlafft
ER SITZT DA wead nie mehr wach ...

_{© Ludwig Wiedenmann}