da sepp

sachan gibt´s die gibt´s
und sachan gibt´s die gibt´s ned
über viele kon ma lacha
aber manche san koa witz ned

die oana schaun auf d´andern laffan ständig hinterher
und die andern rennan oiwei nach m´ lautesten geplärr

die oan schrein raus und die andern bleim z´haus
hauptsach die löwen ziang die bayern ihre lederhosen aus

die oana schaun beim geh oiwei am vordermann am rücken
schaun ned rechts und a ned links und a ned oba von der brück´n

da oane lafft im kreis
olle andern hinten noch
weil a jeder hod am rücken steh MIR NOCH

an vordermann gibt´s koan
weil der kreis is längst g´schlossen
und wenn´s draussen
oan frei laffa seng
na werd er glei daschossen

a jeda woass wo´s hi geht aber koana woass n´ weg
und sie betoniern oiss nieder
oiss wos übrig is ... is dreck!

und der woid der war uns z´gschlampert und voi dreck
der hod scho glernt
wia ma bei uns in bayern steht
weil do hom´ma scho a ordnung g´macht he sauber und schee
bei uns stengan d´ bäume stramm in reih und glied !

WOS REIMT SI SCHO AUF SEPP !?

ja sachan gibt´s die gibt´s
und sachan ouh des gibt´s ned
die oanan machan sachan und die andern dean nur lachan

die oanan dean woanan
und die andern dean drauf soachan
da oane macht an krach
und olle andern wean glei wach

die oana haun glei zua
die andern haun glei ob
die oana dean wos suacha und die andern dean nur fluacha

die oana stehn dumm rum
olle andern gehn d´rum rum
wanns´t zuaheast wias´d bläd wann ned na bleibs´d as aa

und nachts is´ oiwei
no käiter ois drausst
wei ma bergab schneller
ois mit´m rad´l sausst
ja aber i
i spring höher ois a haus
weil a haus a haus a haus
gar ned springa ko . . .!?

WOS REIMT SI SCHO AUF SEPP !?

ja und die kinder dean pariern und dean wos da voda sogt
und sie leanan schnell ordnung is des oberste gebot

und wean´s a no so fett gessn wead wos auf´m tisch steht
wei ma fuadad ned umsonst denn es geht um uns´re zukunft
und sie hom respekt trog´n am voda no es bier noch
und sie buckl´n und sie kriachan und da voda is d´rauf stolz

und wenn er dann moi äider wead und o´fangt sich zum wehr´n
dann kimmt der knüppel aus dem sack bis zum himmi head ma´n plärrn

d´ mama kriagt dann aa no wos zum hean wei sie war oiwei vui zu weich zu
eam ma konn hoid ned ois ho´m wos ma gern mecht

schliesslich war da vatta sei leb´m lang aa bloss knecht

_{© Ludwig Wiedenmann}